سی و سێهەمین ساڵیادی دەنگی خەباتی كوردستان پیرۆز بێ

 

لە كۆتایی مانگی  جۆزەردانی ساڵی 1364 ی كۆچی خۆری  لە دوای هەوڵ و ماندوبوونێكی زۆری رێبەرایەتی سازمانی خەبات و بە تایبەت مامۆستا سەید جەلال حوسەینی  رادیۆ  دەنگی خەباتی كوردستانی ئێران دامەزراو دەستی بە پەخشی بەرنامەی ئەزمونی و تاقیكردنەوەكانی كرد. 

 

 

دەست بە كار بوونی دەنگی خەباتی كوردستانی ئێران لە هەلو مەرجێكدا بوو كە جوڵانەوەی شۆڕشگێرانەی سیاسی و چەكداری خەڵكی كوردستان لە بەرانبەر هێزە داگیركەرەكانی دەسەلاتی مڵهوری ویلایەتی فقیە، بە شێوەییكی شێلگیرانە لە ئارادا بوو، هەر لەو پێوەندەدا كادرو پێشمەرگە قارەمانەكانی سازمانی خەبات كە بەوپەری گیانبازی ولێهاتوی لە مەیدانی خەباتی سیاسی و چەكداری لە ناوچە جیاجیاكانی كوردستان، لە لایەك سیاسەتە دوژمنكاریەكانی دەسەلاتداری ئاخوندیان بۆ خەڵك شی دەكردەوە، لە لایەكی دیكە پێشمەرگە نەبەزەكانی سازمان زەربەتی گورچك بڕیان لە هێزەداگیركەرەكان دەدا. ئا لەو هەلومەرجەدا دەست بە كار بوونی پەخشی دەنگی خەبات ی كوردستانی ئێران ببووە هاندەرێكی مەعنەوی گەورە بۆ خەڵكی كوردستان و رێبوارانی سازمانی خەبات و تێكرای تێكۆشەرانی رێگەی رزگاری.

دەنگی خەباتی كوردستان نە تەنیا بۆ هۆگران و رێبوارانی رێبازی سازمانی خەباتی كوردستان، بەڵكو بۆ تێكرای ئەو تێكۆشەرە ئازادیخوازە كورد و فارس زمانانەی لە ناوچەكەدا لە خەباتدا بوون دەورێكی كاریگەرو گرینگی دەگێراو تا ئیستاش ئەوانەی لە سالانی رابردودا گوێیان لە بەرنامەكانی رادوێ دەنگی خەبات رادەگرت باس لە لایەنەكانی زمانەوانی كوردیی و بابەتی سیاسی و ئەدەبی و كۆمەڵایەتی  ئەو بەرنامانە دەكەن و دەنگی خەباتی كوردستان بە یەكێك ‌لە سەركەوتوترین رادیۆكانی كوردی لە دەیەكانی رابردوو ناو دەهێنن.

دەنگی خەباتی كوردستان جیاواز لە بەرنامەی سیاسی و ووتار و لێكدانەوەی روداوەكانی رۆژانەو بڵاوكردنەوەی چالاكی پێشمەرگە قارەمانەكانی سازمانی خەبات، چەندین بەرنامەی هەمەرەنگ و بە كەڵكی هەبوو،وەك بەرنامەی گۆشەی پێشمەرگە كە بە سەرهاتی پێشمەرگە قارەمانەكان و رێنوێنی كاركردن و بابەتی تایبەت بە پێشمەرگەی بە گۆێ‌ی هۆگرانی دەگەیاند. هەروەها بەرنامەی خەبات و خەڵك كە بەرنامەیەكی تایبەت بوو بە بەشداری هاونیشتمانیان لە خەبات و شێوەكانی ئەو پشتیوانیانەی شی دەكردەوە، بەرنامەی وەلامی نامەكان كە تایبەت بوو بە وەلام دانەوەی نامەكانی گۆێگران، و هەروەها بەرنامەی ئەدەبی كە بەرنامەییكی حەوتوانەی پڕ بیسەر بوو، بەرنامەی ئایینی كە هەموو رۆژانی هەینی لە لایەن یەكێك لە مامۆستایانی ئایینی و یا بێژەرەكانی دەنگی خەباتی كوردستان ووتاری بە كەڵكی ئایینی لە سەر ناساندنی رژیمی ملهوری ئاخوندی وەك دوژمنی مرۆڤایەتی و ئیسلام بە گۆێگران و هاونیشتمانیان دەگەیاند.

بێگومان ریبەرایەتی سازمان و كادرە تێكۆشەرەكانی دەنگی خەباتی كوردستان دەوری سەرەكیان لە بەریوە چوونی كاری دەنگی خەباتی كوردستاندا لە ماوەی زیاتر لە 25 ساڵ كار كردنیدا گێراوە، بەلام بێگومان دەوری ماموستا سەیید جەلال حوسەینی دامەزرێنەری سازمان و چەند كەس لە بەرپرسانی سازمان دەوری سەرەكیان لە بەرێوە چوونی سەركەوتوانەی رادیۆی نیشتمانی و شۆرشگێری دەنگی خەباتی كوردستان گێراوە. 

جێگەی خۆیەتی لە سالیادی دامەزرانی دەنگی خەباتی كوردستان درود بنێرین بۆ روحی ئەو كادرو پێشمەرگە قارەمانانەی كە لەو ئەركە نیشتمانیەدا خزمەتیان كردووە. رۆحی بەرزو بەریزیان شاد بێ و جێگەیان بەهەشتی بەرین بێ. هەروەها سلاو و درود دەنێرین بۆ ئەو دلسۆزانەی ریزەكانی سازمانی خەبات و هەروەها ئەودڵسۆزانەی لە ئێستادا لە دەرەوی ریزەكانی سازماندان و لە رادیۆی دەنگی خەباتی كوردستان رەنجیان داوەو تێكۆشاون.

 

لەكاتێكدا كە بارودۆخی سیاسی جوڵانەوەی رزگاریخوازانەی گەلانی ئێران و خەبات دژی دیكتاتۆریەت لە ماوەی 40 ساڵی رابردوو گەیشتۆتە ناسكترین قوناغی خۆی و ئاڵوگۆرەكان بە قازانجی گەلانی ژێر ستەمی ئێران دەردەكەون، زەورەتی كاری زیاتر و یەكانگیری سەرجەم هێز و لایەنە سیاسیەكانیش بە هەمان شێوە زیاتر هەستی پێدەكرێ‌ و سەرجەم ئازادیخوازەكان ئەركدار دەكات لە پێناو خو ئامادە كردن بۆ ئەو دۆخە تازەیە زیاتر لە خۆیان مایە دانێن. 

بەو هومێدەی لە داهاتوێكی نزیكدا بتواندرێ سەر لە نوێ رادیۆی دەنگی خەباتی كوردستان بە شێوەیەكی بە هێزتربخرێتەوە كار و سەر لە نۆێ بە پێشكەش كردنی بەرنامەی پاراو و بە كەڵكەكانی دڵی هاونیشتمانیان شاد بكاو پشتیوانی پێشمەرگە نەبەزەكان بێت.

پێرۆز بێ سی و سێهەمین سالرۆژی دەنگی خەباتی كوردستان 

سەركەوێ خەباتی حەقخوازانەی گەلی كورد و گەلانی ئێران بەرانبەر رژیمی ملهوری ئاخوندی

 

سازمانی خەباتی كوردستانی ئێران

 كومیتەی ناوەندی 

31ی جۆزەردانی 1397

 

21 ژوئەنی 2017
ڕێکه‌و 2018-06-21 19:13:21
به‌شی ( به‌ڵگه‌نامه‌کان )